পাকিস্তানে গণ বিতাৰণ বৃদ্ধি কৰাৰ পৰিপ্ৰেক্ষিতত ভাৰতে হাজাৰ হাজাৰ আফগান শৰণাৰ্থী পৰিয়াললৈ মানৱীয় সাহায্য আগবঢ়াইছে। আফগান শৰণাৰ্থী আৰু প্ৰত্যাৱৰ্তন মন্ত্ৰ্যালয়ে সদৰি কৰা অনুসৰি অলপতে পাকিস্তানৰ পৰা বলপূর্বকভাৱে বিতাড়িত হোৱা প্ৰায় ৫ হাজাৰ আফগান পৰিয়াললৈ ভাৰতে অত্যাৱশ্যকীয় খাদ্য সামগ্ৰী প্ৰেৰণ কৰিছে। শৰণাৰ্থী সঞ্চালকালয়ৰ কাবুলত থকা কাৰ্যালয়ৰ জৰিয়তে ১১ বিধ খাদ্য সামগ্ৰীৰ এই সাহায্য বিতৰণ কৰা হৈছে। আফগান শৰণাৰ্থী আৰু প্ৰত্যাৱৰ্তন দপ্তৰৰ মন্ত্ৰী মৌলৱী আব্দুল কবিৰে এই অবিৰত সমৰ্থনৰ বাবে ভাৰত চৰকাৰ তথা দেশখনৰ জনসাধাৰণৰ প্ৰতি কৃতজ্ঞতা প্রকাশ কৰিছে। তেওঁ লগতে উচ্ছেদিত আফগান লোকসকলৰ প্ৰতি সাহায্য আগবঢ়াবলৈ অন্যান্য দেশ তথা সংস্থাসমূহলৈ আহ্বান জনায়।