পশ্চিমবংগত মুক্ত আৰু নিকা লোকসভা নিৰ্বাচন অনুষ্ঠিত কৰাৰ বাবে নিৰ্বাচন আয়োগে কেন্দ্রীয় সশস্ত্র অৰ্ধ-সামৰিক বাহিনীৰ শতাধিক কোম্পানী নিয়োগ কৰিবলৈ কেন্দ্ৰীয় গৃহ মন্ত্ৰ্যালয়ক নিৰ্দেশ দিছে। সূত্ৰৰ পৰা জানিব পৰা মতে, আয়োগৰ নিৰ্দেশমৰ্মে গৃহ মন্ত্ৰ্যালয়ে ৰাজ্যখনৰ কেন্দ্ৰীয় সংৰক্ষিত আৰক্ষী বাহিনীৰ ৫৫ টা আৰু সীমান্ত সুৰক্ষা বাহিনীৰ ৪৫ টা কোম্পানী নিয়োগ কৰিছে। বিষয়াসকলক ১৫ এপ্ৰিল অথবা ইয়াৰ পূৰ্বে কেন্দ্ৰীয় সশস্ত্ৰ অৰ্ধ-সামৰিক বাহিনীৰ অতিৰিক্ত ১০০ টা কোম্পানী নিয়োগ কৰিবলৈ নিৰ্দেশ দিয়া হৈছে।