গোলাঘাট জিলাৰ দেৰগাঁৱৰ দাধৰাৰ সমীপৰ ৩৭ নম্বৰ ৰাষ্ট্ৰীয় ঘাইপথত যোৱানিশা সংঘটিত এটা পথ দুৰ্ঘটনাত ৰণ্টু ৰাজবংশী নামৰ এজন লোকৰ মৃত্যু হয়। নলবাৰীৰ পৰা তিনিচুকীয়া অভিমুখে তীব্র বেগেৰে গৈ থকা বাহনখন নিয়ন্ত্ৰণ হেৰুৱাই পথৰ দাঁতিৰ দ খাৱৈত বাগৰি পৰাৰ ফলত চালক ৰণ্টু ৰাজবংশীৰ থিতাতে মৃত্যু হয়। দুৰ্ঘটনাটোত বাহনখনত থকা আন পাঁচজন লোক গুৰুতৰভাৱে আহত হয়। আহতসকলক নিকটৱৰ্তী চিকিৎসালয়লৈ প্ৰেৰণ কৰা হয়।