দিল্লীৰ এখন আদালতে সুৰা নীতি কেলেংকাৰী সংক্ৰান্তত দিল্লীৰ মুখ্যমন্ত্ৰী অৰবিন্দ কেজৰিৱালক অন্তৱৰ্তী জামিন প্ৰদান কৰিবলৈ অস্বীকাৰ কৰিছে। ৰাউজ এভিনিউ আদালতৰ বিশেষ ন্যায়াধীশ কাবেৰী বাৱেজাই আজি চিকিৎসাজনিত কাৰণত ৭ দিনৰ বাবে অন্তৱৰ্তী জামিন বিচাৰি কেজৰিৱালে জনোৱা আবেদন অগ্ৰাহ্য কৰে। ন্যায়ালয়ে তিহাৰ কাৰাগাৰত বিষয়াসকলক ন্যায়িক জিম্মাৰ সময়ত কেজৰিৱালৰ চিকিৎসা আৱশ্যকতাৰ যত্ন লবলৈ নিৰ্দেশ দিয়ে। শ্ৰীকেজৰিৱালৰ নিয়মীয়া জামিন আবেদন সন্দৰ্ভত ৭ জুনত শুনানি হব।