ভাৰতে যোৱানিশা বার্মিংহামৰ এজ্জবাষ্টনত অনুষ্ঠিত তিনিখনীয়া এদিনীয়া ক্রিকেট শৃংখলাৰ প্ৰথমখন খেলত ইংলেণ্ডক ৬ উইকেটত পৰাস্ত কৰে। খেলখনত প্ৰথমে বেট ধৰাৰ সিদ্ধান্ত লৈ ঘৰুৱা দলটোৱে ৪৮ সংখ্যক অভাৰত ২৫৮ ৰাণত আটাইকেইটা উইকেট হেৰুৱায়। ইংলেণ্ডৰ জ’ ৰুটে সৰ্বাধিক ৭৬ ৰান সংগ্ৰহ কৰি আউট নোহোৱাকৈ থকাৰ বিপৰীতে লিয়াম ডাউছনে ৬৮ ৰাণৰ গুৰুত্বপূৰ্ণ বৰঙনি আগবঢ়ায়। ভাৰতৰ হৈ অক্ষৰ পেটেলে ৪টা উইকেট দখল কৰে ৷
প্ৰত্যুত্তৰত শুভমন গিল নেতৃত্বাধীন ভাৰতীয় দলটোৱে ৪৬ সংখ্যক অভাৰত ৪ উইকেটৰ বিনিময়ত সহজে বিজয় লক্ষ্য অতিক্ৰম কৰে। ভাৰতৰ অধিনায়ক শুভমন গিলে ৮০ ৰান সংগ্ৰহ কৰে। ৱাশ্বিংটন সুন্দৰ আৰু অক্ষৰ পেটেলও অর্ধশতকীয় ইনিংছ খেলি আউট নোহোৱাকৈ থাকে। বেটে-বলে আগবঢ়োৱা উজ্জীৱিত প্ৰদৰ্শনৰ বাবে অক্ষৰ পেটেলে প্লেয়াৰ অৱ দ্য মেচৰ সন্মান লাভ কৰে। শৃংখলাৰ দ্বিতীয়খন খেল কাইলৈ কাৰ্ডিফৰ ছফিয়া গার্ডেনছত খেলোৱা হ’ব। দেওবাৰে লণ্ডনৰ লৰ্ডছ খেলপথাৰত শৃংখলাৰ তৃতীয় তথা অন্তিমখন খেল অনুষ্ঠিত হ’ব।
