সুৰক্ষা বাহিনীয়ে জম্মু কাশ্মীৰৰ ৰিয়াছি জিলাৰ এটা বনাঞ্চলত সন্ত্ৰাসবাদীৰ এটা গোপন ঘাটি উৎখাত কৰিছে আৰু বিপুল পৰিমাণৰ অস্ত্ৰ-শস্ত্ৰ আৰু গোলা-বাৰুদ উদ্ধাৰ কৰিছে। সূত্ৰৰ পৰা জানিব পৰা মতে ৰাষ্ট্ৰীয় ৰাইফলছ আৰু আৰক্ষীৰ এটা যুটীয়া দলে আজি পুৱা মাহোৰেৰ কোট বুধান বনাঞ্চলত তালাচী চলোৱাৰ সময়ত সন্ত্ৰাসবাদীৰ এই ঘাটিটো উৎখাত কৰে। সুৰক্ষা বাহিনীয়ে লগতে ১ কিলোগ্রাম বিস্ফোৰক পাউদাৰ, ৭টা বিস্ফোৰক চেটি ফিউজ উদ্ধাৰ কৰে।