গোৱালপাৰা জিলাৰ দুগৰাকী প্ৰবীন নাট্যকর্মীলৈ শিল্পী সন্মান আগবঢ়োৱা হৈছে। ৰাজ্য চৰকাৰৰ সাংস্কৃতিক সঞ্চালকালয়ে দুধনৈৰ থেকাচু তৃতীয় খণ্ড গাওঁৰ মৃগেন্দ্র মোহন কলিতাক বার্ষিক শিল্পী সন্মান প্ৰদান কৰাৰ লগতে ধুপধৰাৰ নগেন পাটগিৰিলৈ শিল্পী পেঞ্চন আগবঢ়াইছে। প্ৰশাসনৰ হৈ জিলা উন্নয়ন আয়ুক্ত প্ৰণৱ কুমাৰ বৰাই আজি শিল্পী দুগৰাকীক সম্বৰ্ধনা জনোৱাৰ লগতে ৰাজ্য চৰকাৰৰ স্বীকৃতিপত্র আনুষ্ঠানিকভাৱে অৰ্পন কৰে।