গুৱাহাটীৰ চাৰিগৰাকী দবা খেলুৱৈ ফীডে ৰেটিং লাভ কৰিবলৈ সক্ষম হৈছে। গুৱাহাটী দবা একাডেমীৰ খেলুৱৈ ভৌমিক কিশোৰ দাস, হৃয়ান কৌশিক ঠাকুৰীয়া, তমন্না শৰ্মা আৰু তানিস্ক ঠাকুৰীয়াক ফীডে ৰেটিং প্ৰদান কৰা হৈছে। বিশ্ব দবা মহাসংঘই প্ৰকাশ কৰা এপ্রিল, ২০২৪ৰ ফীডে ৰেটিং তালিকা অনুসৰি ভৌমিক কিশোৰ দাসে এহেজাৰ ৫৫০ ৰেটিং লাভ কৰাৰ বিপৰীতে হৃয়ান কৌশিক ঠাকুৰীয়াই এহেজাৰ ৪৭২ ৰেটিং লাভ কৰে। তমন্না শৰ্মা আৰু তানিস্ক ঠাকুৰীয়াই ক্ৰমে এহেজাৰ ৪৬১ আৰু এহেজাৰ ৪৪৯ ৰেটিং লাভ কৰিবলৈ সক্ষম হয়।