গুৱাহাটীৰ দীপৰ বিল পাচপাৰা সমবায় সমিতিৰ উদ্যোগত আজিৰেপৰা দীপৰ বিলত সমূহীয়া মাছ ধৰা উৎসৱ আৰম্ভ হৈছে। এই উপলক্ষে আজি পুৱাৰে পৰা বিলৰ পাৰত উখল-মাখল পৰিবেশৰ সৃষ্টি হয়। বিলত আন প্ৰজাতিৰ তুলনাত ঘাইকৈ ৰৌ, ভকুৱা, বৰালী মাছ আদি মাছমৰীয়াৰ জালত পৰিছে যদিও এইবেলি পূৰ্বৰ বৰ্ষবোৰৰ তুলনাত মাছ কমকৈ পৰা বুলি মাছমৰীয়াসকলে জানিবলৈ দিছে। সমবায় সমিতিখনৰ সভাপতি আৰু সম্পাদকে জনোৱা মতে মাঘ বিহুৰ উৰুকাৰ সময়লৈকে এই সমূহীয়া মাছ ধৰা পৰ্ব অব্যাহত থাকিব।