কেন্দ্ৰীয় সংখ্যালঘু পৰিক্ৰমা মন্ত্ৰী কিৰেন ৰিজিজুৱে অন্য ৰাজ্যসমূহত উত্তৰ-পূৰ্বাঞ্চলৰ লোকসকলৰ সুৰক্ষা নিশ্চিত কৰাৰ বাবে দিল্লীৰ দৰে আৰক্ষীৰ বিশেষ গোট গঠনৰ পোষকতা কৰিছে। ডেৰাডুনত ত্ৰিপুৰাৰ এগৰাকী শিক্ষাৰ্থীয়ে আক্ৰমণৰ বলি হৈ মৃত্যুক আঁকোৱালি লোৱাৰ ঘটনাত গভীৰ উদ্বেগ প্রকাশ কৰি মন্ত্ৰীগৰাকীয়ে কয়, যে এনে আক্ৰমণ সমাজৰ বাবে ক্ষতিকাৰক। উত্তৰাখণ্ডৰ চৰকাৰে আক্ৰমণৰ সৈতে জড়িত ৫ জন অভিযুক্তক গ্ৰেপ্তাৰ কৰা বুলিও মন্ত্ৰীগৰাকীয়ে জানিবলৈ দিয়ে।