বৈদেশিক পৰিক্ৰমা মন্ত্রী ড° এছ. জয়শংকৰে আজি কুৱেইটৰ যুৱৰাজ শ্বেইখ ছবাহ অল খালিদ অল ছবাহক সাক্ষাৎ কৰে। মন্ত্ৰীগৰাকীয়ে সামাজিক মাধ্যম যোগে প্রকাশ কৰা মতে, বৈঠকত তেওঁ যুৱৰাজগৰাকীক প্রধানমন্ত্রী নৰেন্দ্ৰ মোদীৰ হৈ শুভেচ্ছা জ্ঞাপন কৰে। ড° জয়শংকৰে লগতে ভাৰত আৰু কুৱেইটৰ মাজৰ দ্বিপাক্ষিক সহযোগিতাক আগুৱাই নিয়াৰ প্ৰতি প্ৰকাশ কৰা প্ৰতিশ্ৰুতিবদ্ধতাৰ বাবে যুৱৰাজগৰাকীক শলাগ লয়। মন্ত্ৰীগৰাকীয়ে লগতে উপ সাগৰীয় অঞ্চলৰ ঘটনাক্রম সন্দৰ্ভত নিজৰ মতামত প্ৰকাশ কৰাৰ বাবে তেওঁক ধন্যবাদ জনায়।