প্রধানমন্ত্রী নৰেন্দ্ৰ মোদীয়ে কিশোৰীসকলৰ স্বাস্থ্য, পুষ্টি আৰু সামগ্রিক বিকাশৰ প্ৰতি অধিক গুৰুত্ব আৰোপ কৰিবলৈ আহ্বান জনাইছে। কালি নতুন দিল্লীত অনুষ্ঠিত দুদিনীয়া মহিলা আৰু শিশু বিকাশৰ ৰাষ্ট্ৰীয় বিভাগীয় সন্মিলনৰ বিদায়ী অধিৱেশনত অধ্যক্ষতা কৰি প্ৰধানমন্ত্ৰীয়ে এই মন্তব্য কৰে। প্রধানমন্ত্রী মোদীয়ে এই ক্ষেত্ৰত জনসাধাৰণৰ অংশগ্ৰহণৰ ওপৰত গুৰুত্ব আৰোপ কৰি অংগনবাড়ী কেন্দ্ৰসমূহক ৰাইজৰ অংশগ্ৰহণৰ কেন্দ্ৰ হিচাপে গঢ়ি তুলিবলৈ আহ্বান জনায়। তেওঁ কয়, যে অংগনবাড়ীৰ কেন্দ্ৰৰ সমীপত বসবাস কৰা পৰিয়ালসমূহক শিশুৰ বাবে পুষ্টিকৰ খাদ্য, খেলা সামগ্ৰী আৰু অন্যান্য স্থানীয় প্রাসংগিক সামগ্রী ভাগ-বতৰা কৰি বিশেষ অনুষ্ঠানত বৰঙণি আগবঢ়াবলৈ উৎসাহিত কৰিব লাগে।
মহিলাৰ সুৰক্ষা সৈতে জড়িত বিষয়সমূহৰ ওপৰত আলোচনা কৰি প্ৰধানমন্ত্ৰীয়ে মহিলাৰ সুৰক্ষা, মৰ্যদা আৰু সৱলীকৰণৰ ওপৰত শিশুসকলৰ বাবে বয়স অনুসৰি আৰ্হি প্ৰস্তুত কৰিবলৈ পৰামৰ্শ দিয়ে। তেওঁ বিভিন্ন বিভাগৰ সমন্বিত প্ৰচেষ্টাৰ জৰিয়তে প্ৰতিৰোধমূলক ব্যৱস্থাৰ ওপৰতো গুৰুত্ব আৰোপ কৰে।
প্রধানমন্ত্রীয়ে কেন্দ্ৰ আৰু ৰাজ্যসমূহৰ মাজত সহযোগিতামূলক সিদ্ধান্ত গ্ৰহণৰ ওপৰতো বিশেষ গুৰুত্ব আৰোপ কৰে। তেওঁ পৰামৰ্শ আগবঢ়ায় যে ৰাজ্যসমূহে জিলা পৰ্যায়ত আৰু নগৰ পালিকা তথা মহানগৰ পালিকা পর্যায়ত চিন্তন শিবিৰ আয়োজন কৰক যাতে তাৰ পৰা অভিজ্ঞতা, উদ্ভাৱন আৰু ব্যৱহাৰিক সমাধানৰ আদান-প্রদানৰ সুবিধা হয়। ইয়াৰ উপৰি প্রধানমন্ত্রী মোদীয়ে সমগ্র দেশৰ মহিলা তথা শিশু উন্নয়নৰ বিভাগসমূহক স্বচ্ছতা অভিযানৰ সক্ৰিয়তাৰে নেতৃত্ব ল’বলৈ আহ্বান জনায়। তেওঁ লগতে কয়, যে সু-স্বাস্থ্য আৰু পুষ্টি, পৰিষ্কাৰ-পৰিচ্ছন্নতাৰ পৰা আৰম্ভ আৰু অংগনবাড়ী কেন্দ্ৰ তথা ইয়াৰ আশে-পাশে থকা জনগোষ্ঠীসমূহে ইয়াক প্ৰসাৰিত কৰাৰ বাবে গুৰুত্বপূর্ণ মঞ্চ হিচাপে কাম কৰিব পাৰে। প্রধানমন্ত্রী মোদীয়ে উল্লেখ কৰে যে মহিলা সৱলীকৰণৰ বাবে ভোকেল ফৰ লোকেল আৰু ৱান ডিস্ট্রিক্ট ৱান প্রডাক্টৰ দৰে কেন্দ্ৰীয় চৰকাৰৰ পদক্ষেপসমূহক প্ৰচাৰ কৰা উচিত। প্ৰধানমন্ত্ৰীগৰাকীয়ে লগতে কয়, যে মহিলাৰ সামূহিক আৰু সামূহিক প্রতিষ্ঠানসমূহে স্থানীয় সামগ্রীসমূহ শক্তিশালী কৰা, জীৱিকাৰ উন্নতি আৰু অৰ্থনৈতিক সৱলীকৰণৰ প্ৰসাৰৰ ক্ষেত্ৰত গুৰুত্বপূৰ্ণ ভূমিকা পালন কৰিব পাৰে।
