বহু প্রত্যাশিত শীতকালীন চাৰধাম যাত্ৰা আজি উত্তৰাখণ্ডত আৰম্ভ হয়। এই চাৰধাম যাত্ৰাত ভক্তসকলক চাৰিখন পবিত্ৰ ধামৰ শীতকালীন বাসস্থান পৰিদৰ্শন কৰাৰ সুযোগ প্ৰদান কৰা হ’ব। শীতকালত ভগৱান কেদাৰনাথৰ মূৰ্তি প্ৰতিষ্ঠাপিত ৰুদ্ৰপ্ৰয়াগ জিলাৰ উখিমঠৰ ঔমকাৰেশ্বৰ মন্দিৰত উত্তৰাখণ্ডৰ মুখ্যমন্ত্ৰী পুস্কৰ সিঙ ধামিয়ে আনুষ্ঠানিকভাৱে এই ধর্মীয় যাত্ৰাৰ শুভাৰম্ভণি কৰে। মুখ্যমন্ত্ৰীগৰাকীয়ে এই শীতকালীন চাৰধাম যাত্ৰা কৰা তীর্থযাত্রীসকলক সা-সুবিধা প্ৰদানৰ ক্ষেত্ৰত চৰকাৰৰ দায়বদ্ধতা সন্দৰ্ভত গুৰুত্ব আৰোপ কৰে। তেওঁ কয়, যে চৰকাৰে ভক্তসকলৰ এই যাত্ৰা সমৃদ্ধিশালী আৰু মসৃণ কৰাৰ বাবে ইতিমধ্যে প্রয়োজনীয় সকলো প্ৰচেষ্টা হাতত লৈছে।