ইৰাণৰ সামৰিক বাহিনী আই আৰ জি চিয়ে ছাইপাছৰ ধবজাবাহী এখন জাহাজক লক্ষ্য কৰি আক্রমণ চলোৱাৰ পাছত আমেৰিকাই দেশখনৰ বিৰুদ্ধে নতুনকৈ আক্রমণ আৰম্ভ কৰিছে।
আমেৰিকাৰ কেন্দ্ৰীয় কামাণ্ডে প্রকাশ কৰা মতে দেশখনৰ সেনা বাহিনীয়ে ইৰানৰ প্ৰায় ১৪০ টা সামৰিক ঘাটি আৰু যোগাযোগ কেন্দ্ৰক লক্ষ্য কৰি আক্ৰমণ চলাইছে। ইৰাণেও বাহৰেইন, কুৱেইট আৰু সংযুক্ত আৰব আমীৰি ৰাষ্ট্ৰক লক্ষ্য কৰি ক্ষেপনাস্ত্ৰ আৰু ড্রোণ নিক্ষেপ কৰিছে।
ইপিনে, ইৰাণে পৰৱৰ্তী জাননী জাৰি নকৰা পর্যন্ত হৰমুজ প্রণালী বন্ধ কৰিছে। ইৰাণৰ নৌসেনা বাহিনীয়ে প্ৰকাশ কৰা মতে, এখন জাহাজে অকর্তৃত্বশীল পথ ব্যৱহাৰ কৰাৰ প্ৰয়াস চলোৱাৰ পাছত এই সামুদ্রিক পথটো বন্ধ কৰি দিয়া হৈছে। বাহিনীটোৱে কৈছে, যে অঞ্চলটোত আমেৰিকা যুক্তৰাষ্ট্ৰৰ হস্তক্ষেপৰ অৱসান নঘটালৈকে কোনো জাহাজক হৰমুজ প্রণালীৰে আহ-যাহৰ অনুমতি দিয়া নহ’ব।
