অৰুণাচল প্ৰদেশৰ মুখ্যমন্ত্রী পেমা খাণ্ডুৱে ৰাজ্যত কফি খেতি সম্প্ৰসাৰণ, উৎপাদনশীলতা আৰু কফি বীনৰ গুণাগুণ উন্নত কৰাৰ লগতে শক্তিশালী মূল্য শৃংখলৰ জৰিয়তে কৃষকৰ আয় বৃদ্ধিৰ বাবে একত্ৰিত প্ৰচেষ্টাৰ আহ্বান জনাইছে।
‘ভাৰতীয় কফি ব’ৰ্ড আৰু ৰাজ্যখনৰ কৃষি বিভাগে আয়োজন কৰা ‘হিলছ টু কাপ’ কফি কর্মশালাত ভাষণ দি শ্রী খাণ্ডুৱে কয় যে অৰুণাচলত কফি খেতি প্রায় পাঁচ দশক ধৰি চলি আহিছে যদিও ইয়াৰ সম্ভাৱনা অব্যৱহৃত হৈয়েই আছে।
তেওঁ কয় যে ৰাজ্যখনত বর্তমান প্রায় ৬০০ হেক্টৰ মাটিত কফি খেতি কৰা হৈছে আৰু কাৰিকৰী সাহায্য, নীতিগত হস্তক্ষেপ আৰু মূল্য সংযোজনৰ প্রয়োজনীয়তাৰ ওপৰত গুৰুত্ব আৰোপ কৰা হৈছে।
চৰকাৰে কৰ্মশালাৰ পৰামৰ্শসমূহ অনুসৰণ কৰিব আৰু খেতিয়কসকলক সমর্থন আগবঢ়াব বুলি ও মুখ্যমন্ত্ৰীগৰাকীয়ে উল্লেখ কৰে। তেওঁ যুৱ উদ্যোগীসকলক কফি খেতি, প্ৰক্ৰিয়াকৰণ আৰু আনুষংগিক উদ্যোগসমূহৰ সৈতে জড়িত হ’বলৈও উৎসাহিত কৰে।
