মৰিগাঁও জিলাৰ জাগীৰোডৰ সিন্ধিচৰত আজি সদৌ তিৱা ছাত্ৰ সন্থাৰ ৩৬ সংখ্যক প্ৰতিষ্ঠা দিৱস অনুষ্ঠিত হয়। এই উপলক্ষে সমগ্ৰ অঞ্চলজুৰি বাৰেৰহনীয়া সাংস্কৃতিক শোভাযাত্ৰা উলিওৱা হয়। জাগীৰোড সমজিলা আয়ুক্ত বিমান দাসে মুকলি কৰা এই শোভাযাত্ৰাত তিৱা জনগোষ্ঠীৰ উপৰি মিছিং, বড়ো, কাৰ্বি, ৰাভা, আদি বিভিন্ন জনগোষ্ঠীৰ কৃষ্টি-সংস্কৃতি প্ৰদৰ্শন কৰা হয়। ইয়াৰ পাছত আয়োজিত মুকলি সভাত তিৱা জনগোষ্ঠীৰ বিভিন্ন বিষয়ত আলোচনা কৰা হয়। সভাত ৰাজ্যৰ বিভিন্ন জনগোষ্ঠীয় ছাত্ৰ সংগঠনৰ নেতাসকলে অংশ লয়।