জম্মু-কাশ্মীৰত পাঞ্চি হেলিপেডৰ সমীপত মাতা বৈষ্ণোদেৱী মন্দিৰলৈ যোৱা পথৰ ভূমিস্খলন হোৱাৰ ফলত দুগৰাকী মহিলা তীর্থযাত্রী নিহত হোৱাৰ লগতে এটি কন্যা শিশু গুৰুতৰভাৱে আহত হয়। ভূমিস্খলনৰ ফলত পথছোৱাত এটা বৃহৎ শিল বাগৰি পৰাৰ ফলত এগৰাকী তীর্থযাত্রী ঘটনাস্থলীতে নিহত হয়। আনহাতে, চিকিৎসালয়ে লৈ যোৱা অৱস্থাতে আনগৰাকী তীর্থযাত্ৰীৰ মৃত্যু হয়। আহত শিশুটিৰ চিকিৎসা অব্যাহত আছে।