আয়ৰ সৈতে সামঞ্জস্যহীন সম্পত্তিৰ গোচৰত গুৱাহাটী উচ্চ ন্যায়ালয়ে আজি ৰাজ্যৰ অসামৰিক সেৱা বিষয়া মাছুম ইউচুফ আহমেদ আৰু ভূমি ৰাজহ সেৱা বিষয়া তনবীৰ ইউচুফ আহমেদৰ জামিন নাকচ কৰে। মুখ্যমন্ত্ৰী তদাৰকী কোষত ৰুজু হোৱা গোচৰৰ ভিত্তিত অভিযুক্ত বিষয়া দুজনে জামিন বিচাৰি উচ্চ ন্যায়ালয়ৰ দ্বাৰস্থ হৈছিল। কিন্তু সমগ্ৰ বিষয়টোক লৈ শুনানি গ্রহণৰ অন্তত উচ্চ ন্যায়ালয়ৰ ন্যায়াধীশ মিতালী ঠাকুৰীয়াৰ এজনীয়া বিচাৰপীঠে তেওঁলোকৰ জামিন নাকচ কৰে। ইয়াৰ পাছতে মুখ্যমন্ত্ৰী তদাৰকী কোষে বিষয়া দুজনক গ্ৰেপ্তাৰ কৰে।