চৰকাৰে প্ৰধানমন্ত্ৰী আৱাস যোজনা (নগৰীয়া)ৰ দ্বিতীয় পৰ্যায়ৰ অধীনত ১৮ লাখ ৭৭ হাজাৰ বাসগৃহত অনুমোদন জনাইছে। ইয়াৰ জৰিয়তে এই আঁচনিখনৰ ৰূপায়ণ অধিক ত্বৰান্বিত কৰাৰ লগতে নগৰাঞ্চলত ‘সকলোৰে বাবে গৃহ’ৰ লক্ষ্যৰে অগ্ৰসৰ হৈছে৷
যোৱা বৃহস্পতিবাৰে নতুন দিল্লীত অনুষ্ঠিত কেন্দ্রীয় অনুমোদন তথা নিৰীক্ষণ সমিতিৰ নৱমখন বৈঠকত এই সিদ্ধান্ত গ্রহণ কৰা হয়। গৃহ নিৰ্মাণ আৰু নগৰ পৰিক্ৰমা মন্ত্ৰালয়ৰ নগৰ উন্নয়ন বিভাগৰ সচিব সত্যেন্দ্ৰ সিঙে এই বৈঠকত পৌৰহিত্য কৰে।
বৈঠকত এই আঁচনিৰ হিতাধিকাৰীৰ নেতৃত্বাধীন নিৰ্মাণ আৰু অংশীদাৰিত্বৰে ব্যয়সাধ্য গৃহ শাখাৰ অধীনত প্ৰায় ২৯ হাজাৰ অতিৰিক্ত বাসগৃহৰ অনুমোদন দিয়া হয়।
এই অনুমোদনে অসম, বিহাৰ, গুজৰাট, তেলেংগানা, ত্ৰিপুৰা আৰু উত্তৰ প্ৰদেশ—এই ছখন ৰাজ্যক সামৰি লৈছে। ৰাজ্যসমূহক উদ্দেশ্যি শ্ৰী সিঙে এই আঁচনিখনৰ সুবিধাসমূহ যাতে সকলো যোগ্য হিতাধিকাৰীয়ে লাভ কৰিব পাৰে তাৰবাবে আঁচনিখনৰ সময়োপযোগী আৰু ফলপ্ৰসূ ৰূপায়ণ তথা নিৰীক্ষণ নিশ্চিত কৰাৰ বাবে সমন্বিত প্রচেষ্টা গ্রহণ কৰিবলৈ আহ্বান জনায়।
