অসম আৰক্ষীয়ে সমগ্ৰ ৰাজ্যতে ড্ৰাগছৰ বিৰুদ্ধে অভিযান অব্যাহত ৰাখিছে। ইয়াৰ অংশ হিচাপে কালি কাৰ্বি আংলং জিলা আৰক্ষীয়ে জিলাখনৰ ডিলাইত অভিযান চলাই এখন বাহনত লৈ অহা অৱস্থাত ৪০ হাজাৰ য়াবা টেবলেট জব্দ কৰে। আৰক্ষীয়ে ইয়াৰ সৰবৰাহৰ লগত জড়িত দুজন লোকক কৰায়ত্ত কৰি অধিক তথ্যৰ বাবে তেওঁলোকক জেৰা অব্যাহত ৰাখিছে। আৰক্ষীয়ে জব্দ কৰা টেবলেটখিনিৰ মূল্য প্রায় ৮ কোটি টকা হ’ব বুলি জানিবলৈ দিছে।