মঙলদৈৰ বিশিষ্ট গ্রন্থ বিক্রেতা তথা সামাজিক মাধ্যমৰ জনপ্রিয় কবি দুর্লভ শৰ্মাৰ কালি গুৱাহাটী চিকিৎসা মহাবিদ্যালয় হাস্পতালত মৃত্যু হয়। মঙলদৈৰ বিষ্ণুৰাভা পথত অনুষ্ঠিত শৰ্মা ব্ৰাডাৰ্ছ নামৰ গ্ৰন্থ বিক্রেতা প্রতিষ্ঠানৰ স্বত্বাধিকাৰী শৰ্মা ব্যৱসায় সংক্রান্তত বৰপেটা ৰোডলৈ গৈছিল আৰু কালি তেওঁ হঠাতে অসুস্থ হৈ পৰে। তেওঁক উন্নত চিকিৎসাৰ বাবে গুৱাহাটী চিকিৎসা মহাবিদ্যালয় হাস্পতাললৈ অনা হয় যদিও তাতেই তেওঁ শেষ নিশ্বাস ত্যাগ কবে। মঙলদৈ শান্তিপুৰ নিবাসী দুর্লভ শৰ্মাৰ মৃত্যুৰ সময়ত বয়স আছিল ৬০ বছৰ।