স্বনামধন্য ক্রিকেট খেলুৱৈ নৱ কমল ভূঞাৰ আজি পুৱা চেন্নাইত দেহাৱসান ঘটে। মৃত্যুৰ সময়ত তেওঁৰ বয়স আছিল ৯৮ বছৰ। উল্লেখযোগ্য যে অসমৰ হৈ প্রয়াত ভূঞাই প্রথম ৰঞ্জী ট্ৰফী প্রতিযোগিতাত অংশ লৈছিল। উল্লেখযোগ্য যে প্রথমখন ৰঞ্জী ট্ৰফী খেলত যোৰহাট ষ্টেডিয়ামত হোল্কাৰ ষ্টেটৰ বিৰুদ্ধে প্ৰথমটো ৰাণ কৰি ইতিহাস সৃষ্টি কৰিছিল। ৪০ আৰু ৫০ৰ দশকত তেওঁ অসমত ক্রিকেট খেলৰ অনুকূল পৰিৱেশ সৃষ্টিত উল্লেখনীয় ভূমিকা আগবঢ়াই গৈছে। তেওঁৰ মৃত্যুত ৰাজ্যৰ বিভিন্ন ক্রীড়া সংগঠনে গভীৰ শোক প্ৰকাশ কৰিছে।