ভাৰতীয় ক্রিকেট দলৰ প্ৰাক্তন বাওঁহতীয়া স্পীনাৰ দিলীপ দোছিৰ যোৱানিশা লণ্ডনত হৃদযন্ত্ৰৰ ক্ৰিয়া বন্ধ হৈ মৃত্যু হয়। মৃত্যুৰ সময়ত তেওঁৰ বয়স আছিল ৭৭ বছৰ। ৩২ বছৰ বয়সত ভাৰতীয় টেষ্ট দলত অন্তৰ্ভুক্ত হোৱা দিলীপ দোছীয়ে ভাৰতৰ হৈ ৩৩ খন টেষ্ট মেচ খেলি ১১৪ টা উইকেট অধিকাৰ কৰে। কপিল দেৱৰ নেতৃত্বাধীন ভাৰতীয় টেষ্ট দলৰ হৈ তেওঁ স্পীন আক্ৰমণৰ গুৰি ধৰিছিল। ৰঞ্জী টফ্ৰীত তেওঁ বংগ দলক প্রতিনিধিত্ব কৰিছিল। অষ্ট্ৰেলিয়াৰ বিৰুদ্ধে ১৯৭৯ চনত চেন্নাইৰ চেপক ষ্টেডিয়ামত টেষ্ট খেলুৱৈৰ জীৱন আৰম্ভ কৰা দিলীপ দোছিয়ে সেইটো শৃংখলাৰেই এখন খেলত ১০৩ ৰানৰ বিনিময়ত ছটা উইকেট অধিকাৰ কৰিছিল। তেওঁৰ মৃত্যুত কিংবদন্তি খেলুৱৈ শচীন তেণ্ডুলকাৰ, প্ৰাক্তন টেষ্ট খেলুৱৈ ৰবি শাস্ত্ৰী আৰু আন্তর্জাতিক ক্রিকেট পৰিষদৰ অধ্যক্ষ জয় শ্বাহকে ধৰি ভালেকেইগৰাকী বিশিষ্ট ব্যক্তিয়ে শোক প্রকাশ কৰিছে।