শক্তিপীঠ কামাখ্যা ধামত কাইলৈ অম্বুবাচী মহাযোগ আৰম্ভ হ’ব। কাইলৈ বিয়লি ২ বাজি ৫৬ মিনিটত অম্বুবাচীৰ প্ৰবৃত্তিৰ লগে লগে কামাখ্যা মন্দিৰৰ দুৱাৰ বন্ধ হ’ব। ২৬ জুনত নিবৃত্তিৰ লগে লগে মন্দিৰ পৰিষ্কাৰ কৰি দেৱীৰ পূজা-অৰ্চনাৰ পাছত ভক্তৰ বাবে মন্দিৰৰ দুৱাৰ মুকলি কৰা হ’ব। পৰ্যটন বিভাগে কামৰূপ মহানগৰ জিলা প্ৰশাসনলৈ অম্বুবাচী মেলা আয়োজনৰ বাবে চাৰি কোটি ৫৫ লাখ টকা আগবঢ়াইছে। প্ৰতিবছৰৰ দৰে এইবাৰো দেশী-বিদেশী অগণন ভক্তই এই মেলাত অংশ লোৱাৰ বাবে ভিৰ কৰা পৰিলক্ষিত হৈছে। প্ৰশাসনে ভক্তসকলৰ সুৰক্ষা নিশ্চিত কৰাৰ লগতে অম্বুবাচী মেলা নিয়াৰিকৈ অনুষ্ঠিত কৰাৰ বাবে যাৱতীয় ব্যৱস্থা গ্ৰহণ কৰিছে।