বিত্ত মন্ত্ৰ্যালয়ে কৈছে যে, ডিজিটেল ধনাদায়ৰ পৰিমাণ ২০১৭-১৮ বিত্তীয় বৰ্ষৰ দুহেজাৰ কোটিৰো অধিক হোৱাৰ বিপৰীতে ২০২৩-২৪ বিত্তীয় বৰ্ষত প্রায় ১৯ হাজাৰ কোটি টকালৈ বৃদ্ধি পাইছে। আনহাতে ইউ পি আইৰ লেনদেনৰ পৰিমাণো এই সময়ছোৱাত প্ৰায় ৯০ কোটিৰ পৰা ১৩ হাজাৰ কোটিতকৈও অধিক বৃদ্ধি পাইছে। মন্ত্র্যালয়ে লগতে কয় যে, ২০২৩-২৪ বিত্তীয় বৰ্ষত ইউ পি আইৰ লেনদেনৰ মূল্য ২০০ লাখ কোটি টকালৈ বৃদ্ধি পাইছে। ইফালে ইউ পি আইয়ে বর্তমান সাতখন দেশত পোনপটীয়া লেনদেনৰ সুবিধা প্ৰদান কৰিছে। দেশ কেইখন হৈছে– সংযুক্ত আৰব আমিৰী ৰাষ্ট্ৰ, ছিংগাপুৰ, ভূটান, নেপাল, শ্রীলংকা, ফ্ৰান্স আৰু মৰিছাচ।