জ্যেষ্ঠ কংগ্ৰেছ নেতা ৰাহুল গান্ধীয়ে এইবাৰৰ লোকসভা নিৰ্বাচনক সংবিধান ৰক্ষাৰ বাবে হোৱা নিৰ্বাচন বুলি অভিহিত কৰিছে। আজি মধ্য প্ৰদেশৰ ৰতলাম লোকসভা সমষ্টিৰ জোবাটত এখন জনসভাক সম্বোধন কৰি তেওঁ লগতে বিজেপি আৰু ৰাষ্ট্ৰীয় স্বয়ংসেৱক সংঘই সংবিধানক নিশ্চিহ্ন কৰাৰ যো-জা চলাই থকাৰ অভিযোগ উত্থাপন কৰে। কংগ্ৰেছ দল শাসনলৈ আহিলে সংৰক্ষণৰ ৫০ শতাংশৰ পৰিসীমাক বৃদ্ধি কৰিব বুলিও নেতাগৰাকীয়ে প্ৰকাশ কৰে।