ইৰানে ইজৰাইলৰ ভূ-খণ্ডত ক্ষেপণাস্ত্ৰ আক্ৰমণ কৰাৰ পাছত ভাৰতৰ বিদেশ মন্ত্ৰী এছ জয়শংকৰে ইৰান-ইজৰাইলৰ বিদেশ মন্ত্ৰীৰ লগত বাৰ্তালাপ কৰি দুই দেশক সংযম ৰক্ষা কৰাৰ আহ্বান জনায়। ইৰানে ইজৰাইলত ২০০ৰো অধিক ড্ৰোণ আৰু ক্ষেপণাস্ত্ৰৰে আঘাত কৰাৰ ২৪ ঘণ্টা পাছত দুয়ো দেশৰ বিদেশমন্ত্ৰীগৰাকীয়ে পৰিস্থিতিৰ পৰ্যালোচনা কৰে। ইৰানৰ বিদেশ মন্ত্ৰীৰে হোৱা বাৰ্তালাপত ভাৰতৰ বিদেশ মন্ত্ৰীগৰাকীয়ে ইৰানে বন্দী কৰা ১৭ ভাৰতীয় নাগৰিকক মুকলি কৰি দিবলৈ আহ্বান জনায়।