দক্ষিণ শালমাৰা মানকাচৰ জিলাৰ ভাৰত -বাংলাদেশ সীমান্তৱৰ্তী পূবেৰগাওঁ আৰক্ষীয়ে যোৱা নিশা অভিযান চলাই বৃহৎ পৰিমাণৰ নিচাযুক্ত টেবলেট আৰু নগদ ধনসহ এগৰাকী মহিলাক গ্ৰেপ্তাৰ কৰে। মাদক দ্রব্য সৰবৰাহত জড়িত এই মহিলাগৰাকীৰ পৰা আৰক্ষীয়ে প্ৰায় ডেৰ হাজাৰ নিচাযুক্ত টেবলেট আৰু ৯ হেজাৰ ১০০ টকা উদ্ধাৰ কৰিছে। আৰক্ষীয়ে মহিলাগৰাকীক সোধা পোচাৰ অন্তত হাতশিঙিমাৰী আদালতত হাজিৰ কৰে। মহিলাগৰাকীয়ে দীৰ্ঘদিন ধৰি মানকাচৰত মাদক দ্রব্য সৰবৰাহ কৰি আহিছিল বুলি আৰক্ষী সূত্ৰই প্ৰকাশ কৰিছে।