বিগত ৯ মাহ ধৰি আন্তঃৰাষ্ট্ৰীয় মহাকাশ কেন্দ্ৰত আবদ্ধ হৈ থকা মহাকাশচাৰী সুনীতা উইলিয়ামছ আৰু বাট্‌ছ উইলম’ৰ পৃথিৱী অভিমুখে আহি আছে। নাছাই প্রকাশ কৰা তথ্য অনুসৰি স্পেচএক্সৰ ড্রেগন মহাকাশযানেৰে মহাকাশচাৰী দুগৰাকী ভাৰতীয় সময় অনুসৰি আজি দিনৰ ১০ বাজি ৩৫ মিনিটত আন্তঃৰাষ্ট্ৰীয় মহাকাশ কেন্দ্ৰৰ পৰা পৃথিৱী অভিমুখে যাত্ৰা কৰিছে। প্ৰায় ১৭ ঘণ্টা যাত্ৰাৰ অন্তত তেওঁলোক কাইলৈ পুৱতি নিশা ৩ বাজি ২৭ মিনিটত পৃথিৱীত অৱতৰণ কৰিব বুলি নাছাৰ সূত্ৰই প্ৰকাশ কৰিছে। উল্লেখযোগ্য যে বয়িং ষ্টাৰলাইনাৰ মহাকাশযানৰ কাৰিকৰী বিজুতিৰ বাবে বিগত বৰ্ষৰ জুনৰ পৰাই মহাকাশচাৰী দুগৰাকী আন্তঃৰাষ্ট্ৰীয় মকাকাশ কেন্দ্ৰত আৱদ্ধ হৈ আছিল।