ভাৰত আৰু ৰাছিয়া কালি নতুন দিল্লীত আফগানিস্তান সন্দর্ভত দ্বিপাক্ষিক আলোচনাত মিলিত হয়। বিদেশ মন্ত্রালয়ৰ তথ্য অনুসৰি আফগানিস্তানত থকা ৰাছিয়াৰ ৰাষ্ট্ৰপতিৰ বিশেষ কটকী জামিৰ কাবুলভ আৰু ভাৰতৰ বিদেশ মন্ত্ৰালয়ৰ পাকিস্তান, আফগানিস্তান আৰু ইৰাণ বিভাগৰ যুটীয়া সচিব জে পি সিঙে আফগানিস্তানৰ সাম্প্ৰতিক পৰিস্থিতিৰ বিষয়ে আলোচনা কৰে। আলোচনাকালত উভয় পক্ষই আফগানিস্তানৰ জনসাধাৰণৰ কল্যাণৰ বাবে উন্নয়নমূলক সাহায্য প্ৰদানৰ প্ৰয়োজনত গুৰুত্ব আৰোপ কৰে।