উপ-ৰাষ্ট্ৰপতি চি পি ৰাধাকৃষ্ণণে আন্তঃৰাষ্ট্ৰীয় যোগ দিৱসত অংশগ্ৰহণ কৰাৰ উদ্দেশ্যে তিনি দিনীয়া ভ্রমণসূচীৰে কাইলৈ লাডাখৰ লেহত উপস্থিত হ’ব। চলিত মাহৰ ২১ তাৰিখলৈ এই কেন্দ্রীয় শাসিত অঞ্চলটোত প্রথম আনুষ্ঠানিক ভ্রমণ কাৰ্যসূচীত উপ-ৰাষ্ট্ৰপতিগৰাকীয়ে অংশগ্রহণ কৰিব। এই ভ্ৰমণৰ সময়ছোৱাত উপ-ৰাষ্ট্ৰপতিগৰাকীয়ে লুকুং গাঁৱত উপস্থিত হৈ বিভিন্ন আত্মসহায়ক গোটৰ সদস্যৰ সৈতে মত বিনিময় কৰিব। ভাইব্রেন্ট ভিলেজ প্ৰকল্পৰ অধীনত সীমান্ত অঞ্চলত উন্নয়নমূলক কামকাজৰ খতিয়ান গ্ৰহণ কৰিব। পাছলৈ উপ-ৰাষ্ট্ৰপতি গৰাকীয়ে যুদ্ধ স্মাৰকত শ্রদ্ধাঞ্জলি জ্ঞাপন কৰিব। ২১ জুন তাৰিখে শ্ৰী ৰাধাকৃষ্ণণে লেহত আন্তঃৰাষ্ট্ৰীয় যোগ দিৱসত অংশগ্ৰহণ কৰিব। এই অনুষ্ঠানত যুৱক-যুৱতী, শসস্ত্র বাহিনীৰ জোৱানকে বিভিন্ন সংগঠনৰ সদস্যই অংশগ্ৰহণ কৰি যোগৰ জৰিয়তে সামগ্রিক স্বাস্থ্য আৰু মংগলৰ বাৰ্তা প্ৰেৰণ কৰিব।