হকীত ভাৰতৰ পুৰুষৰ কণিষ্ঠ দলে মালয়েছিয়াত অনুষ্ঠিত জোহৰ কাপ প্রতিযোগিতাত আজি গ্রুপ পৰ্যায়ৰ এখন খেলত গ্রেট ব্রিটেইনক ৬-৪ গলত পৰাস্ত কৰে। দিলৰাজ সিং আৰু চৰ্দা নন্দ তিৱাৰীয়ে দুটাকৈ গল কৰাৰ বিপৰীতে মহম্মদ কোনাইন দাদ আৰু মনমিত সিঙে বাকী কেইটা গল দিয়ে। গ্রেট ব্ৰিটেইনৰ হৈ ৰৰী পেনৰোজ আৰু মাইকেল ৰয়দেনে দুটাকৈ গল দিয়ে। উল্লেখযোগ্য যে প্রতিযোগিতাত কালি প্ৰথমখন খেলত ভাৰতে জাপানক পৰাস্ত কৰাৰ পাছত আজি দ্বিতীয়টো বিজয় সাব্যস্ত কৰে ।