জম্মু-কাশ্মীৰৰ জম্মু সংমণ্ডলৰ কাঠুৱা জিলাৰ এখন বনাঞ্চলত আজি সন্ত্ৰাসবাদী আৰু আৰক্ষীৰ মাজত সংঘৰ্ষৰ সূত্ৰপাত হয়। ইফালে পুঞ্চ জিলাত কালি নিশা আৰক্ষী আৰু সন্ত্ৰাসবাদীৰ মাজত হোৱা সংঘৰ্ষত এটা সন্ত্ৰাসবাদী আহত হোৱাৰ সন্দেহ কৰা হৈছে। আকাশবাণীৰ জম্মুৰ সংবাদদাতাই প্ৰকাশ কৰা অনুসৰি আজি বিয়লিৰ ভাগত কাঠুৱা জিলাৰ বাণী অঞ্চলত আৰক্ষীৰ এটা দলে তালাচী চলাই থকাৰ সময়তেই গুলীচালনা সংঘটিত হয়। আৰক্ষীৰ এগৰাকী জ্যেষ্ঠ বিষয়াই জনোৱা মতে অঞ্চলটোত দুটামান সন্ত্রাসবাদী লুকাই থকা বুলি সম্ভেদ পোৱা গৈছে।