কেন্দ্রীয় বৈদেশিক সচিব বিক্রম মিশ্রিয়ে আজি নতুন দিল্লীত চীনৰ বিদেশ দপ্তৰৰ উপমন্ত্ৰী ছান ৱেইডঙৰ সৈতে এখন বৈঠকত অংশগ্ৰহণ কৰি দুয়োখন দেশৰ মাজৰ দ্বিপাক্ষিক সম্পৰ্কৰ পৰ্যালোচনা কৰে। বৈদেশিক পৰিক্ৰমা দপ্তৰৰ এটা বিবৃতিত প্ৰকাশ পোৱা মতে তেওঁলোকে জনসাধাৰণৰ সৈতে সম্পর্কিত বিষয়ক অগ্ৰাধিকাৰ দি উভয় দেশৰ মাজৰ সম্পৰ্কক সুস্থিৰ কৰি তোলা আৰু নতুনকৈ গঢ় দিয়াৰ ক্ষেত্ৰত সহমত পোষণ কৰে। বিদেশ সচিব শ্রী মিশ্রিয়ে চলিত বৰ্ষৰ কৈলাশ মানসৰোবৰ যাত্ৰা পুনৰ আৰম্ভ কৰাৰ ক্ষেত্ৰত চীনৰ সহযোগিতাৰ শলাগ লয়।