সংখ্যালঘু পৰিক্ৰমা মন্ত্ৰী কিৰেন ৰিজিজুৱে কালি ভূটানৰ ৰজা জিগমে খেছৰ নামগ্যাল ৱাংচুকৰ নেতৃত্বত গেলেফুৰ মাইণ্ডফুলনেচ চিটীত ১০৮টা স্তূপ প্ৰতিষ্ঠা সমাৰোহত ভাৰতক প্রতিনিধিত্ব কৰে। সংখ্যালঘু পৰিক্ৰমা মন্ত্ৰালয়ে প্ৰকাশ কৰা মতে এই কাৰ্যসূচীত শ্রীৰিজিজুৰ অংশগ্রহণে ভাৰত আৰু ভূটানৰ মাজৰ দীৰ্ঘদিনীয়া মিত্ৰতা আৰু আধ্যাত্মিক তথা সাংস্কৃতিক ঐতিহ্যক প্ৰতিফলিত কৰে। ভূটানৰ ৰজাই ১০৮টা স্তূপ প্ৰতিষ্ঠাৰ পৰিকল্পনা তথা ইয়াৰ নিৰ্মাণকাৰ্যৰ নেতৃত্ব দিছিল। অসমৰ সীমান্তৰ সমীপৰ গেলেফু মাইণ্ডফুলনেচ চিটীৰ মাজেৰে বৈ যোৱা আই নদী পাৰত ১১ দশমিক ৭ কিলোমিটাৰ এলেকাজুৰি এই স্তূপসমূহ একেদিনাই প্রতিষ্ঠা কৰা হয়। দুয়োখন দেশে ইয়াৰ সুদৃঢ় দ্বিপাক্ষিক সম্পৰ্কৰ শলাগ লোৱাৰ লগতে উন্নয়ন অংশীদাৰিত্ব, বাণিজ্য, শক্তি, বিনিয়োগ, যোগাযোগ আৰু সাংস্কৃতিক বিনিময়ৰ ক্ষেত্ৰত সহযোগিতাৰ অগ্ৰগতিক সন্তুষ্টি প্ৰকাশ কৰে।