অমন শ্বেহৰাৰ্ট, ২০২৪ চনৰ পেৰিছ অলিম্পিকৰ বাবে কোটাত স্থান লাভ কৰা প্ৰথমগৰাকী ভাৰতীয় পুৰুষ মল্লযোদ্ধা হিচাপে বিবেচিত হৈছে। শ্বেহৰাৱটে কালি তুৰস্কৰ ইস্তানবুলত অনুষ্ঠিত বিশ্ব মল্লযুঁজ অলিম্পিক যোগ্যতা নির্ণায়ক প্ৰতিযোগিতাৰ পুৰুষৰ ৫৭ কিলোগ্রাম ওজন শাখাৰ ছেমিফাইনেলত কোৰিয়াৰ চংছঙক ১২-২ ফলাফলত পৰাস্ত কৰি পেৰিছ অলিম্পিকৰ বাবে দেশৰ হৈ ষষ্ঠটো কোটা লাভ কৰে। উল্লেখযোগ্য যে, ৫ গৰাকীকৈ মহিলা মল্লযোদ্ধাই ইতিমধ্যে পেৰিছ অলিম্পিকৰ বাবে কোটা অৰ্জন কৰিবলৈ সমৰ্থ হৈছে।