দেশৰ অন্যান্য প্ৰান্তৰ লগতে নগাঁও জিলাতো ডাক বিভাগৰ বিভিন্ন আঁচনিৰ বিষয়ে গ্ৰাহকৰ মাজত সজাগতা সৃষ্টিৰ বাবে চৌপাল শীর্ষক বিশেষ অভিযান চলি আছে। আজি নগাঁও ডাক সংমণ্ডলৰ উদ্যোগত নগাঁও প্রধান ডাকঘৰত এই অভিযানৰ শুভাৰম্ভ কৰা হয়। এই উপলক্ষে আয়োজিত অনুষ্ঠানত নগাঁও পৌৰসভাৰ উপ-পৌৰপতি সীমান্ত বৰাই মুখ্য অতিথি হিচাপে অংশগ্রহণ কৰে। তেওঁ ডাক বিভাগে ৰাইজৰ উত্তৰণৰ বাবে ৰূপায়ণ কৰা আঁচনিসমূহৰ সুবিধা গ্ৰহণ কৰিবলৈ সকলোকে আহ্বান জনায়। সভাত ডাক বিভাগৰ বিষয়াসকলে ভাৰতীয় ডাক বীমা, সঞ্চয় একাউন্ট, সুকন্যা সমৃদ্ধি যোজনা আদি বিভিন্ন আঁচনিৰ বিষয়ে উপস্থিত ৰাইজক অৱগত কৰে। উল্লেখযোগ্য যে এই সজাগতা অভিযান ১০০ দিনলৈ অব্যাহত থাকিব।