ছোৱাইন ফ্লুৰ প্ৰাদুৰ্ভাৱ হোৱাৰ প্ৰতি লক্ষ্য ৰাখি যোৰহাট প্ৰশাসনৰ বিহিত ব্যৱস্থা গ্ৰহণ

যোৰহাট জিলাৰ বিভিন্ন অঞ্চলত ছোৱাইন ফ্লুৰ প্ৰাদুৰ্ভাৱ হোৱাৰ প্ৰতি লক্ষ্য ৰাখি প্ৰশাসনে বিহিত ব্যৱস্থা গ্ৰহণ কৰিছে। জিলাখনৰ নাগিনীজান, গাভৰু গোহাঁইবাৰী চাহ বাগিচা অঞ্চলত ভালেসংখ্যক গাহৰিৰ এই ৰোগত আক্ৰান্ত হৈ মৃত্যু হোৱা বুলি জানিব পৰা গৈছে। আজি পশুপালন বিভাগৰ বিষয়াসকলে অঞ্চলসমূহ পৰিদৰ্শন কৰি এই ৰোগৰ সংক্ৰমণ নিশ্চিত কৰাৰ বাবে নমুনা সংগ্ৰহ কৰে। আনহাতে জিলা পশুপালন বিভাগে জিলাখনত আজিৰে পৰা গাহৰিৰ মাংস বিক্ৰী নিষিদ্ধ কৰাৰ বাবে নিৰ্দেশ জাৰি কৰিছে।