সন্ত্ৰাসবাদী সংগঠন অলকায়দাৰ উপস্থিতি সন্দৰ্ভত নগাঁৱত এন আই এৰ অভিযান, আপত্তিজনক নথি-পত্ৰ উদ্ধাৰ

ৰাষ্ট্ৰীয় অনুসন্ধানকাৰী সংস্থা-এন আই এ-য়ে কালি নগাঁও জিলাৰ এটা স্থানত সন্ত্ৰাসবাদী সংগঠন অলকায়দাৰ উপস্থিতি সন্দৰ্ভত সন্দৰ্ভত অভিযান চলায়। কেইদিনমান পূর্বে গোৱালপাৰা জিলাত জইছ-ই-মহম্মদৰ সদস্য গ্ৰেপ্তাৰ হোৱাৰ পাছতে অনুসন্ধানকাৰী সংস্থাটোৱে কালি এই অভিযান চলায়। অভিযানৰ সময়ছোৱাত বহুতো আপত্তিজনক নথি-পত্ৰ উদ্ধাৰ কৰা হয়। উল্লেখযোগ্য যে সংস্থাটোৱে অসম, ত্ৰিপুৰা, পশ্চিমবংগ, জম্মু-কাশ্মীৰ, কর্ণাটক আৰু বিহাৰৰ মুঠ ৯টা স্থানত জইছ-ই-মহম্মদৰ বাবে কাম কৰা সন্দেহজনক লোকৰ বিৰুদ্ধে অভিযান চলায়।