न्यायाधीशांनी सुनावणी दरम्यान कोणतीही पूर्वग्रहदूषित टिप्पणी करू नये अशी ताकीद सर्वोच्च न्यायालयाने दिली आहे. कर्नाटक उच्च न्यायालयाच्या न्यायाधीशांनी एका सुनावणीवेळी केलेल्या वादग्रस्त टिप्पणीवर सरन्यायाधीश न्यायमूर्ती धनंजय चंद्रचूड यांच्या अध्यक्षतेखालच्या पाच सदस्यीय पीठाने सुनावणी केली, त्यावेळी पीठाने ही ताकीद दिली.  इलेक्ट्रॉनिक माध्यमाच्या या काळात न्यायालयाच्या सुनावणीचं वार्तांकन होतं, त्यामुळे न्यायाधीशांनी संयमानं व्यक्त व्हावं असंही सर्वोच्च न्यायालयानं म्हटलं आहे.