वंदे मातरम या राष्ट्रीय गीताचा अवमान करणं हा गुन्हा ठरवणाऱ्या विधेयकावर राष्ट्रपती द्रौपदी मुर्मू यांनी आज स्वाक्षरी केली. यामुळे जन गण मन या राष्ट्रगीताचाच दर्जा वंदे मातरम या गीतालाही मिळाल्याचं सरकारनं म्हटलं आहे. या नव्या कायद्यानुसार वंदे मातरमचा अवमान करणाऱ्यांना ३ वर्षांपर्यंत तुरुंगवास किंवा दंड किंवा दोन्ही ठोठावला जाऊ शकतो. तसंच वारंवार हाच गुन्हा करणाऱ्यांना प्रत्येक नव्या गुन्ह्यासाठी एका वर्षापर्यंत तुरुंगवासाची शिक्षा देता येऊ शकते.