राष्ट्रपती भवनातील अमृत उद्यान येत्या १६ तारखेपासून लोकांसाठी खुलं होणार असून, १५ सप्टेंबरपर्यंत लोक इथं भेट देऊ शकतील. या कालावधीत उद्यान सकाळी १० ते संध्याकाळी ६ वाजेपर्यंत खुलं राहील. प्रवेशाची अंतिम वेळ सध्याकाळी ५ वाजता असेल. देखभालीच्या कामासाठी हे उद्यान दर सोमवारी बंद राहील. या उद्यानातील प्रवेश विनामूल्य असेल.
२९ ऑगस्ट रोजी ‘राष्ट्रीय क्रीडा दिना’निमित्त खेळाडूंना आणि ५ सप्टेंबर रोजी ‘शिक्षक दिना’निमित्त शिक्षकांना अमृत उद्यानात विशेष प्रवेश दिला जाईल. तसंच राष्ट्रपती भवनाच्या संकेतस्थळावर आगाऊ ऑनलाइन नोंदणी करता येईल, असं राष्ट्रपती भवनाच्या एका निवेदनात म्हटलं आहे.
