दिल्लीला पाणीपुरवठा करण्याचे अप्पर युमना नदी बोर्डाला निर्देश

दिल्लीचा पाणीप्रश्न सोडवण्यासाठी सर्वोच्च न्यायालयानं आज अप्पर यमुना नदी बोर्डाला दिल्लीला पाणीपुरवठा करण्याचे निर्देश दिले आहेत. दिल्ली सरकारनं मानवतावादी दृष्टिकोनातून पाणीपुरवठ्याबाबत यमुना नदी बोर्डाकडे विनंती अर्ज दाखल करणं आवश्यक आहे. हिमाचल प्रदेशनं आपल्या पूर्वीच्या भूमिकेपासून घुमजाव करून १३६ क्युसेक्स अतिरिक्त पाणीसाठा उपलब्ध नसल्याचं सांगितल्यानं दिल्लीला पाणीप्रश्नाला सामोरं जावं लागत आहे, या पार्श्वभूमीवर सर्वोच्च न्यायालयानं हा निर्णय दिला आहे.