December 19, 2025 1:25 PM

views 84

राष्ट्रीय संरक्षण अधिकरण कायद्यावर अमेरिकेची स्वाक्षरी

अमेरिकेचे अध्यक्ष डोनाल्ड ट्रम्प यांनी आर्थिक वर्ष २०२६ साठीच्या राष्ट्रीय संरक्षण प्रमाणीकरण कायद्यावर स्वाक्षरी केली आहे. मुक्त आणि शांततापूर्ण हिंद प्रशांत क्षेत्रासाठी भारत आणि क्वाड देशांबरोबर संबंध सुधारण्यासाठी  आणि चीनने उभ्या केलेल्या आव्हानांना तोंड देण्यासाठी या कायद्याचं महत्व आहे. अमेरिकन सरकारच्या युद्ध विभागाचा ‘सामर्थ्याच्या माध्यमातून शांतता’ हा कार्यक्रम राबवून अमेरिकेची अंतर्गत सुरक्षा व्यवस्था आणि संरक्षण उद्योग बळकट करण्यासाठी हा कायदा उपयोगी ठरेल असं ट्रम्प यांनी म्हटलं आहे...

November 18, 2025 1:40 PM

views 105

गाझापट्टीत शांतता आणि पुनर्निर्माणासाठी अमेरिकेच्या प्रस्तावाला संयुक्त राष्ट्र सुरक्षा परिषदेत मंजुरी

गाझापट्टीत शांतता प्रस्थापित करणं आणि उद्ध्वस्त झालेल्या भागांचं पुनर्निर्माण करण्याचा अमेरिकेचा प्रस्ताव संयुक्त राष्ट्र सुरक्षा परिषदेत पारीत झाला आहे. १५ सदस्यीय परिषदेत १३ जणांनी प्रस्तावाच्या बाजूने मतदान केलं तर रशिया आणि चीनने मतदानात सहभाग घेतला नाही. या प्रस्तावानुसार आता शांतता समितीची तसंच आंतरराष्ट्रीय स्थैर्य दलाची स्थापना केली जाईल.   शांतता समितीचं अध्यक्षपद आपण भूषवणार असल्याचं अमेरिकेचे राष्ट्राध्यक्ष डोनाल्ड ट्रम्प यांनी सांगितलं.  आंतरराष्ट्रीय स्थैर्य दलामधे विविध देशांच...

November 17, 2025 3:06 PM

views 78

तेल कंपन्यांचा अमेरिकेबरोबर पहिल्यांदाच करार

सार्वजनिक क्षेत्रातल्या तेल कंपन्यांनी अमेरिकेबरोबरच पहिल्यांदाच LPG आयातीसाठी करार केला आहे. पेट्रोलियम आणि नैसर्गिक वायू मंत्री हरदीपसिंह पुरी यांनी दिलेल्या माहितीनुसार, हा करार एक वर्षासाठी लागू असेल. नागरिकांना किफायतशीर दरात LPG उपलब्ध करून देण्यासाठी आणि पुरवठा व्यवस्थेत विविधता आणण्यासाठी सरकारकडून हा महत्त्वाचा निर्णय घेण्यात आला आहे.

November 13, 2025 1:19 PM

views 120

अमेरिकेतला सर्वात मोठा शटडाऊन संपुष्टात

अमेरिकन संसदेत तात्पुरत्या निधीपुरवठ्याचं विधेयक मंजूर झालं आहे. या विधेयकावर अध्यक्ष डोनाल्ड ट्रंप यांची सही झाल्याने अमेरिकेतला  आतापर्यंतचा सर्वात मोठा शटडाऊन संपुष्टात आला आहे.  ओबामाकेअर या आरोग्यविमा योजनेचं अनुदान वाढवण्याबद्दल  डेमोक्रेटीक पक्ष आग्रही होता. त्यामुळे शटडाऊन सुरु होतं. याविषयीचा तिढा सुटत नसल्याने अर्थसंकल्प मंजूर होईपर्यंत तात्पुरता निधी पुरवठा करण्याचं बिल अमेरिकन संसेदत मांडलं गेलं. डेमॉक्रेटीक पक्षाच्या आठ सदस्यांनी  रिपब्लिकनच्या बाजूने मत दिल्याने हे विधेयक मंजूर झाल...

November 10, 2025 1:26 PM

views 97

अमेरिकेतल्या शटडाऊनवर तडजोडीचा मसुदा तयार

अमेरिकेतल्या शटडाऊन वर तोडगा काढण्याच्या दृष्टीनं सिनेटने  तडजोडीच्या एका मसुद्याला मंजुरी दिली. बहुमतासाठी आवश्यक नेमकी ६० मतं विधेयकाच्या बाजूने पडली. सर्व रिपब्लिकन खासदारांसह ८ डेमोक्रॅट्सचा कौलही विधेयकाला मिळाला. आता त्यावर संसदेची मान्यता मिळणं आणि अध्यक्ष डोनाल्ड ट्रंप यांची स्वाक्षरी होणं गरजेचं आहे. अनेक सरकारी कर्मचाऱ्यांना कामावरुन काढण्याचा, अध्यक्ष डोनाल्ड ट्रंप यांचा आदेश, या विधेयकामुळे रद्दबातल ठरला आहे. शटडाऊनच्या तिढ्यामुळे अमेरिकेत गेले अनेक दिवस विविध क्षेत्रातलं सरकारी कामक...

November 8, 2025 7:55 PM

views 76

अमेरिकेत विमानसेवा विस्कळीत!

अमेरिकेत सरकारी कामकाज बंद पडल्याचा परिणाम म्हणून ५ हजारापेक्षा जास्त विमान उड्डाणं विलंबाने होत आहेत किंवा रद्द झाली आहेत. पुरेशा मनुष्यबळाअभावी हवाई वाहतूक मंत्रालयाने न्यूयॉर्क, लॉस एंजेलिस, शिकागो, आणि वॉशिंग्टन डीसी इथून निघणाऱ्या विमान उड्डाणांमधे ४ टक्के कपात केली आहे. शटडाऊन सुरुच राहीला तर पुढच्या आठवड्यात १० टक्के आणि त्यापुढच्या आठवड्यात २० टक्के कपातीची शक्यता आहे. मात्र आंतरराष्ट्रीय उड्डाणांवर परिणाम झाला नसल्याचं वाहतूक मंत्री सीन डफी यांनी सांगितलं. अमेरिकेत हा आजवरचा सर्वात दीर्...

November 8, 2025 12:33 PM

views 106

न्यायालयाची ट्रम्प यांना अमेरिकेतल्या राज्यांच्या विरोधात सैन्य तैनात करण्यास कायमची मनाई

अमेरिकेतल्या राज्यांमधे तिथल्या स्थानिक शासनाच्या मर्जीविरुद्ध सैन्य तैनात करायला राष्ट्राध्यक्ष डोनाल्ड ट्रम्प यांना न्यायालयाने कायमची मनाई केली आहे. स्थलांतर नियंत्रक अधिकाऱ्यांविरोधातली निदर्शनं रोखण्यासाठी ट्रम्प यांच्या सैन्य तैनातीच्या धोरणाला विरोध करणारा न्यायालयाचा हा पहिलाच निर्णय आहे.   याआधी ट्रम्प यांनी डेमॉक्रॅटिक पक्षाच्या नेतृत्वाखालच्या लॉस एंजलीस, शिकागो आणि वॉशिंग्टन मध्ये सैन्य तैनात करण्याचा प्रयत्न केला आहे.

November 4, 2025 8:20 PM

views 77

भारत आणि अमेरिकेच्या लष्करी सहकार्य गटाची २२वी बैठक

भारत आणि अमेरिकेच्या लष्करी सहकार्य गटाची २२वी बैठक अमेरिकेत हवाई इथं झाली. भारताचे चीफ ऑफ इंटिग्रेटेड डिफेन्स स्टाफ  एअर मार्शल आशुतोष दीक्षित आणि अमेरिका - भारत प्रशांत क्षेत्र कमांडचे  लेफ्टनंट जनरल जोशुआ रड यांच्या संयुक्त अध्यक्षतेखाली ही बैठक झाली. या बैठकीत दोन्ही देशांच्या लष्करी अधिकाऱ्यांनी संरक्षण क्षेत्रातला द्विपक्षीय सहभाग अधिक दृढ करणे, परस्पर समन्वयिक कार्यक्षमतेत वृद्धी घडवून आणणे तसेच मुक्त, खुल्या आणि सुरक्षित भारत प्रशांत क्षेत्राशी संबंधित मुद्यांवर चर्चा केली.

November 1, 2025 8:10 PM

views 96

कॅनडाच्या प्रधानमंत्र्यांची अमेरिकेच्या राष्ट्राध्यक्षांकडे दिलगिरी व्यक्त

कॅनडाचे प्रधानमंत्री मार्क कॅर्नी यांनी टॅरिफ विरोधी राजकीय जाहिरातीबाबत अमेरिकेचे राष्ट्राध्यक्ष डोनाल्ड ट्रम्प यांच्याकडे दिलगिरी व्यक्त केली असून ऑन्टेरियोचे प्रमुख ड्युग फोर्ड यांना जाहिरातीचे प्रक्षेपण न करण्याची सूचना केली आहे. आपण ट्रम्प यांच्याकडे खासगीत दिलगिरी व्यक्त केल्याची माहिती कॅर्नी यांनी दक्षिण कोरियात आज आशिया पॅसिफिक बैठकीनंतर वार्ताहरांना दिली. १६ ऑक्टोबरला ही जाहिरात प्रसारित झाल्यानंतर  डोनाल्ड ट्रम्प यांनी कॅनडाबरोबर सर्व व्यापारी वाटाघाटी बंद करून कॅनडातून होणाऱ्या आयाती...

October 30, 2025 2:42 PM

views 125

चीनवरचं आयात शुल्क कमी करण्याची अमेरिकेची घोषणा

अमेरिकेनं चीनवर लादलेलं आयात शुल्क सध्याच्या ५७ टक्क्यांवरून ४७ टक्के इतकं कमी केल्याचं अमेरिकेचे राष्ट्राध्यक्ष डोनाल्ड ट्रम्प यांनी आज घोषित केलं. दक्षिण कोरियामध्ये बुसान इथं चीनचे राष्ट्राध्यक्ष शी जिनपिंग यांच्या भेटीनंतर त्यांनी ही माहिती दिली. चीन अमेरिकेडून सोयाबीनची खरेदी तात्काळ सुरु करणार असल्याचं त्यांनी सांगितलं. दुर्मीळ खनिजांचा प्रश्न सोडवण्यात आला असून, चीनमधून होणाऱ्या दुर्मीळ खनिज निर्यातीत आता कोणताही अडथळा येणार नाही, असं ते म्हणाले. चीनवर लावलेलं रासायनिक पदार्थांवरचं सीमाशु...