पाकिस्तानमध्ये झालेल्या सार्वत्रिक निवडणुकीची चौकशी करण्याच्या ठरावाला अमेरिकेच्या प्रतिनिधी सभागृहाची संमती

  पाकिस्तानमध्ये झालेल्या सार्वत्रिक निवडणुकीची सखोल आणि स्वतंत्र चौकशी करण्याचा ठराव अमेरिकेच्या प्रतिनिधी सभागृहाने संमत केला असून पाकिस्तानमध्ये लोकशाही आणि मानवाधिकारांना पाठिंबा दिला आहे. पाकिस्तानमधे निवडणुकीत झालेल्या कथित अनियमिततेच्या पार्श्वभूमीवर निःपक्षपाती आणि स्वतंत्र निवडणूक होण्याची गरज अमेरिकेने व्यक्त केली आहे. दरम्यान, पाकिस्तानमधली राजकीय परिस्थिती आणि निवडणूक प्रक्रिया समजून न घेता हा ठराव केल्याचं पाकिस्तानच्या संरक्षण मंत्र्यांनी म्हटलं आहे.