धाराशिव जिल्ह्यात ‘सॅटेलाईट स्किल सेंटर’ निर्माण करण्याच्या प्रस्तावाला मान्यता

धाराशिव जिल्ह्यात ‘सॅटेलाईट स्किल सेंटर’ निर्माण करण्याच्या प्रस्तावाला पुण्याच्या सिम्बायोसिस कौशल्य विद्यापीठानं मान्यता दिली आहे. आमदार राणाजगजितसिंह पाटील यांनी ही माहिती दिली. या केंद्रामुळे युवकांसाठी उद्योगानुकूल प्रशिक्षण, जागतिक दर्जाचं कौशल्य आणि आधुनिक तंत्रज्ञानाच्या मदतीनं रोजगाराच्या संधी उपलब्ध होणार असल्याचं पाटील यांनी सांगितलं.