कोलकाता डॉक्टर बलात्कार आणि हत्या प्रकरणात सीबीआय संजय रॉय याची मानसशास्त्रीय चाचणी घेणार

कोलकात्याच्या महिला डॉक्टर बलात्कार आणि हत्या प्रकरणी केंद्रीय अन्वेषण विभाग संशयित आरोपी संजय रॉय याची मानसशास्त्रीय चाचणी आज घेणार आहे. दिल्लीच्या केंद्रीय न्यायवैद्यक विज्ञान प्रयोगशाळेच्या विश्लेषकांचं एक पथक कोलकात्याला पोहोचलं असल्याची माहिती संबंधित अधिकाऱ्यांनी दिली आहे. दरम्यान, केंद्रीय अन्वेषण विभागानं काल सलग दुसऱ्या दिवशी आर. जी. कार वैद्यकीय महाविद्यालय आणि रुग्णालयाचे माजी मुख्याध्यापक डॉ. सुदीप घोष यांची प्रदीर्घ चौकशी केली. आरोग्य सुविधा क्षेत्रात काम करणाऱ्यांच्या सुरक्षितेसाठी...