अमरनाथ यात्रेसाठी ‘ऑपरेशन शिवा’ ही व्यापक सुरक्षा मोहीम सुरू

जम्मू आणि काश्मीरमध्ये, येत्या ३ जुलैपासून सुरू होणाऱ्या अमरनाथ यात्रेला कडेकोट सुरक्षा प्रदान करण्यासाठी लष्करानं ‘ऑपरेशन शिवा’ ही व्यापक सुरक्षा मोहीम सुरू केली आहे. २२ एप्रिलला पहलगाम इथं झालेल्या दहशतवादी हल्ल्याच्या पार्श्वभूमीवर, लष्करानं केंद्रीय सशस्त्र पोलिस दल, जम्मू आणि काश्मीर पोलिस आणि श्री अमरनाथजी श्राइन बोर्ड यांच्या समन्वयाने यात्रेकरूंच्या सुरक्षिततेसाठी कडक उपाययोजना केल्या आहेत.