उत्तराखंडमध्ये सुरू असलेल्या ३८व्या राष्ट्रीय क्रीडा स्पर्धांमध्ये महाराष्ट्र पदकतालिकेत पुन्हा तिसऱ्या स्थानावर

उत्तराखंडमध्ये सुरू असलेल्या ३८व्या राष्ट्रीय क्रीडा स्पर्धांमध्ये महाराष्ट्र पदकतालिकेत पुन्हा तिसऱ्या स्थानावर आला असून महाराष्ट्राकडे सर्वाधिक ९९ पदकं आहेत. त्यात २१ सुवर्ण, ३८ रौप्य आणि ४० कांस्यपदकांचा समावेश आहे. सेना दलांकडे एकूण ६४ पदकं असून त्यापैकी ३८ सुवर्ण पदकं असल्यानं ते पहिल्या स्थानावर आहेत. तर ३० सुवर्ण पदकांसह कर्नाटक दुसऱ्या स्थानावर आहे.