सर्वेश कुशारे याची उंच उडी क्रीडा प्रकारात पॅरिस ऑलिम्पिकसाठी निवड

नाशिक जिल्ह्याच्या निफाड तालुक्यातल्या सर्वेश कुशारे याची उंच उडी क्रीडा प्रकारात पॅरिस ऑलिम्पिकसाठी निवड झाली आहे. हरयाणात पंचकुला इथं झालेल्या पात्रता स्पर्धेत सर्वेशनं २ पूर्णांक २५ शतांश मीटर इतकी उंच उडी मारत प्रथम क्रमांक पटकावला. ऑलिम्पिकच्या पात्रतेसाठीचा निकष त्यानं पार केला. त्याबरोबरत सर्वेशनं जागतिक क्रमवारीतही ४२ वं स्थान मिळवलं आहे. उंच उडी स्पर्धेत पात्रता फेरीतून निवड झालेला सर्वेश महाराष्ट्रातला पहिला खेळाडू ठरला आहे.